Sot Kisha përkujton Shën Çeçilen, pajtore dhe mbrojtëse e muzikës, e instrumentistëve dhe e këngëtarëve, kjo është edhe arsyeja përse koret kishtare e kanë këtë Martire të Kishës për mbrojtëse dhe ndërmjetësuese të tyre para Hyjit.Edhe Kori jonë në Luzern, të shtunën në ora 17:00, është bashkuar për ta kremtuar Meshën e shenjtë dhe për ta kërkuar ndërmjetësimin e Shën Çeçiles për të gjithë anëtarët e Korit tonë dhe për familjet e tyre.Pas Meshës kishim festën e përbashkët, festë në të cilën nuk mungoj gëzimi, kënga dhe shijimi i ushqimeve të shijshme dhe mirë të përgatitura.Falënderimi i takon Hyjit dhe të gjithë atyre që me praninë dhe këndimin e tyre mundohen ta dëshmojnë dashurinë për Krishtin dhe për Kishën e tij.
