Mbrëmjen e djeshme, Misioni ynë, ka shtruar një darkë pune për stafin e ngushtë të Forumit të Grave. Në këtë darkë, përveç falënderimit për punën e vyer dhe të shkëlqyer të Forumit të Grave të Misionit tonë, patëm mundësi po ashtu edhe të bisedojmë mbi tema të rëndësishme të jetës tonë shpirtërore, organizative dhe kulturore. Kryesisht u bisedua mbi koordinimin dhe harmonizimin e aktiviteteve në një agjendë të vetme vjetore, po ashtu shqyrtuam edhe mundësinë e zgjerimit të Forumit dhe përfshirjen e tij në të gjitha vendet ku banojnë besimtarët e Misionit tonë.
Bashkëpunimi mes vete dhe hapja e bashkëpunimit me Forumet tjera ekzistuese në Zvicër, ishte një temë tjetër të cilën e vlerësuam me shumë kujdes. Theks i veçantë u vu edhe mbi mundësinë e takimeve më të shpeshta shpirtërore dhe kulturore.
Faleminderit të gjithave për bashkëpunimin dhe shërbimin e çmueshëm!
