Edhe këtë vit me sukses të madh u realizua turniri i shahut në Misionin tonë. Morën pjesë 50 shahist të moshave dhe nacionaliteteve të ndryshme.
Organizimi, falë Gazmend Dedaj dhe bashkëpunëtorëve të tij, ishte në nivel të shkëlqyeshëm dhe të pranishmit u ndanë shumë të kënaqur.
Pas 9 ndeshjeve për secilin, fitues u shpallën: vendin e parë Afrim Fejzullahu, selektor i përfaqësues së Kosovës në shah; vendin e dytë Xhevdet Osamani; vendin e tretë Ismail Velija. Konkurrenca ishte vërtetë e madhe.
Misioni ynë, duke falënderuar sponsorët e këtij turniri, për vendin e parë dhurojë mundësinë e dy ditëve pushim në Hotelin Marigona në Shëngjin (fjetja dhe ushqimi), dhuratë nga familja Dedaj, pronare e hotelit. Vendit të dytë ju dhurua një shah me vlerë të çmueshme, dhuratë nga firma Kristi Immobilien TG, nga pronari Kristë Ukaj. Vendit të tretë ju dhurua një Gutschein (kupon) për dy persona (drekë apo darkë) në Hotelin Lux në Emmenbrücke, dhuratë nga pronari Fadil Hasani.
Falë personave të gatshëm për organizim dhe shërbim, sponsorëve të shumtë dhe pjesëmarrësve në lojë, në këtë turnir u grumbulluan 2610 franga dhe 70 euro, të cilat do të dedikohen për bamirësi.
Zoti ju bekoftë!
