Mbrëmë, më 7 shkurt 2025, patëm takimin tonë të parë të vitit me anëtarët e Korit tonë në Luzern.
Don Antoni e hapi takimin me një lutje falënderimi dhe një fjalë përshëndetëse, duke përgëzuar dhe komplimentuar anëtarët e Korit për angazhimin, përkushtimin dhe këndimin e mirë të dielave dhe gjatë festave të shumta të vitit.
Pas fjalës përshëndetëse, kryetarja e korit Valentina Prenrecaj lexoi procesverbalin e mbledhjes së kaluar dhe më pas vazhduam me temat tjera të planifikuara për këtë takim.
Udhëheqësja e korit, m. Mrika Sabedini përmblodhi të gjitha aktivitetet dhe angazhimin e korit, duke u shprehur e kënaqur me punën dhe kontributin e secilit anëtar të korit.
Flora Rosaj, njëkohësisht kryetare e korit, prezantoi buxhetin vjetor, duke bërë të ditur të ardhurat dhe shpenzimet dhe gjendjen aktuale të buxhetit.Takimi u zhvillua në një atmosferë shumë miqësore dhe u paraqitën këshilla, propozime, vërejtje dhe sugjerime me respekt dhe me dëshirën që ky grup i rëndësishëm i Misionit të jetë edhe më i koordinuar në punën dhe angazhimin e tij tejet të çmuar në Mision.
Pas takimit hëngrëm darkë së bashku, gjë që e bëri takimin tonë edhe më të këndshëm.
