24.05. Në meshën shenjtë në Emmenbrücke u shënua festa e fëmijëve të Misionit tonë që këtë vit kanë marr Kungimin e parë. Në festë ishin 17 fëmijë që këtë vit kanë marr për herë të parë Krishtin në Zemër. Mesha filloi solemnisht me procesion nga hyrja e Kishës dhe ishin vetë fëmijët të cilët e dekoruan Kishën me pjesëmarrjen e tyre të gëzueshme, ata kënduan, recituan dhe i dhanë lavd Zotit në mënyrën e tyre. Në pretkun e rastit, misionari ynë don Agimi i uroj fëmijët dhe i porositi që gjithmonë ta ruajnë në zemrat e tyre gëzimin e takimit me Zotin. Pas meshe ishte dreka e përbashkët me fëmijët e Kungimit të parë, më të gjithë fëmijët tjerë që këtë vit kanë frekuentuar mësimin e fesë nëpër qendra të ndryshme të Misionit dhe prindërit e të afërmit e tyre. Për drekë kanë qenë vetë familjet që në bashkëpunim me motrat kanë organizuar përgatitjen e ushqimeve, dekorimin e ambientit etj. Festa ka vazhduar në një atmosferë të hareshme deri në mbrëmje.
Festa e fëmijëve të Kungimit të parë
