Të mërkurën, me 22 mars, Forumi i Grave të Misionit tonë është bashkuar për të përgatitur Pjatën e Pashkëve e cila gjatë këtyre ditëve do të shitet dhe shuma e mbledhur do të ju dedikohet bamirësisë.
Pjata, përveç zbukurimit të mirë, brenda saj ka tri simbolet e Pashkëve:
1. Qiriun – që simbolizon dritën e Krishtit të ringjallur i cili dëshiron të largoi çdo errësirë nga jeta e jonë.
2. Lepurin – që simbolizon frytshmërinë dhe vigjilencën, për të treguar se edhe ne duhet të jemi frytdhënës me vepra të mira dhe gjithmonë të gatshëm për ta takuar dhe pranuar të mirën në jetën tonë.
3. Vezët – simboli i jetës e cila depërton nga errësira e lëvozhgës së fortë dhe del në dritë, pikërisht ashtu sikur Jezusi që shkatërroi shkëmbin e varrit dhe u zgjua në jetë.
Është gjithmonë kënaqësi kur bashkohemi, gëzimi dhe motivimi bëhet edhe më i madh kur e dimë se me punën dhe kontributin tonë mund ta ndihmojmë dikë apo ndonjë familje që ka nevojë.
Urojmë të mira dhe bekime për të gjithë ju!
