Pas përgatitjes shpirtërore përmes treditëshit kushtuar Shën Nënë Terezës, dje në Misionin tonë me nderim, lutje dhe falënderim kemi kremtuar festën e Nënës së të varfërve.
Besimtarët e pranishëm në Meshë edhe pse kishin pasur një ditë të mbushur me obligime dhe punë, megjithatë gjetën kohë për të ardhur dhe festuar së bashku ditën Shenjtëreshës tonë.
Në predikimin e rastit don Antoni u përqendrua kryesisht te jeta tokësore dhe ajo qiellore e Nënë Terezës, duke e paraqitur jetën e saj tokësore si model, ndërsa atë qiellore si frymëzim dhe shpresë edhe për ne sot.
Pas Meshe për të gjithë të pranishmit ishte përgatitur një apéro e pasur me ushqime dhe pije të freskëta. Në këtë mënyrë të gjitha festat dhe takimet tona na shërbejnë që të rritemi në marrëdhënie me Zotin dhe me njëri-tjetrin.
Shën Nënë Tereza, lutu për ne!
