Mbrëmjen e djeshme, me 18 nëntor, me sukses të madh u realizua turniri në Ping Pong. Morën pjesë 47 garues të moshave të ndryshme, dhe një numër i madh kishte ardhur për të shikuar dhe për të kaluar një mbrëmje së bashku në Mision.
Organizimi, falë Leonard Komanit, Armend Imerit dhe shumë të tjerëve që u angazhuan në këtë turnir, ishte në nivel të shkëlqyeshëm dhe të pranishmit u ndanë shumë të kënaqur.
Pas shumë ndeshjeve të zhvilluara, fitues u shpallën: vendin e parë Mensar Mehmeti, vendin e dytë Armend Imeri, dhe vendin e tretë Betim Biba. Tri vendet e para u shpërblyen me nga një çmim simbolik.
Falë personave të gatshëm për organizim dhe shërbim, si dhe falë pjesëmarrësve në lojë, në këtë turnir u grumbulluan 1830 franga dhe 20 euro, të cilat do të dedikohen për bamirësi.
Falenderojmë të gjithë ata persona që na ndihmuan të organizojmë dhe të realizojmë një turnir të tillë dhe një mbrëmje kaq miqësore siç ishte ajo e djeshme.
Zoti e bekoftë rininë tonë!
