Nesër, me 19 gusht, një numër i madh fëmijësh, adoleshentësh dhe të rinjsh nga Misioni ynë në Lucern do të fillojë vitin e ri shkollor, pikërisht për këtë arsye sot, si në Meshën e Shenjtë në Goldau ashtu edhe në Sursee, uruam dhe u lutëm së bashku që të gjithë nxënësit të kenë mbarësi në shkollë, suksese në mësime dhe bekime nga Zoti.
Urojmë dhe lutemi që fëmijët, falë ndihmës së prindërve dhe edukatorëve, të rriten mirë, të zhvillohen, të nxjerrin në pah pjesën më të mirë të tyre dhe kështu të jenë të lumtur në të tashmen dhe në të ardhmen.
Të dashur fëmijë dhe të rinj, besoni në bukurinë e ëndrrave (dëshirave) tuaja të mira dhe mos kini frikë t’i ndiqni ato!
Zoti ju bekoftë!
Fotot: Nue Tuqi dhe Avgustin Ramaj
