Mbrëmjen e djeshme, 7 dhjetor 2024, në orën 20.00, Këshilli i Misionit u mblodh në mbledhjen e zakonshme, të fundit të këtij viti.
Pas leximit dhe nënshkrimit të procesverbalit të mbledhjes së kaluar, u prezantuan dhe diskutuan temat e planifikuara për këtë mbledhje.
Fillimisht u prezantua agjenda e vitit 2025 me të gjitha aktivitetet e planifikuara për vitin e ardhshëm. Më pas u diskutua gjerësisht për kremtimin e Krishtlindjeve dhe bekimin e familjeve që do të nisë në fillim të vitit 2025. Po ashtu u paraqit edhe ecuria e punës dhe përpjekjeve tona me Kishën lokale për të marrë qendrën e re dhe Kishën në Emmen LU. Një tjetër pikë diskutimi ishte Jubileu 2025, Viti i Shenjtë dhe shtegtimet tona të planifikuara në Romë. Si zakonisht, në fund të takimit përfaqësuesit e grupeve të ndryshme të Misionit prezantuan dinamikën e aktiviteteve të tyre.
Qëllimi i takimeve dhe punës sonë është që Misioni ynë të jetë sa më funksional dhe në shërbim të të gjithëve.
Falënderojmë secilin pjesëmarrës për punën dhe kontributin e vyer.
