Mbrëmjen e djeshme, më 11 dhjetor, qendrës sonë në Luzern iu bashkuan mbi 40 gra dhe vajza të reja, të cilat sollën me vete lloje të ndryshme biskotash të Krishtlindjeve të gatuara me shumë dashuri dhe profesionalizëm dhe të gjitha së bashku në një atmosferë gëzimi i përgatitën për shitje dhe paratë e mbledhura do të shkojnë për ata njerëz që kanë nevojë për ndihmën tonë. Përveç grave të pranishme kishte edhe nga ato që për shkak të punës nuk mundën të ishin prezent, por paraprakisht dërguan pako me biskota.
Disa prej tyre, përveç paketimit të biskotave të përgatitura, u kujdesën edhe për darkën e përbashkët, kështu pasi mbaruan përgatitjen e biskotave, hëngrën darkë dhe kaluan një mbrëmje shumë të bukur dhe të lumtur.
Falënderojmë Zotin dhe të gjithë ata persona që janë gjithmonë të gatshëm të na ndihmojnë në aktivitetet tona.
