Kalimi nga errësira në dritë, nga e keqja në të mirë, nga mashtrimi në të vërtetën, nga urrejtja në dashuri, nga vdekja në jetë është qëllimi i jetës së krishterë. Në këtë ecje dhe në këtë kalim nuk jemi vetëm, Krishti është me ne dhe na udhëzon përmes Kishës së tij (Fjalës dhe Sakramenteve) dhe ndihmon për të bërë kalimin e nevojshëm, i cili çliron dhe shenjtëron jetën e të gjithë atyre që besojnë në premtimet e tij.
Shpresojmë dhe i lutemi Zotit që edhe mesha e mëngjesit që kemi kremtuar këto të marta të adventit, me ndërmjetësimin e Virgjërës Mari, të ketë ndihmuar në rritjen e fesë, shpresës dhe dashurisë për Zotin dhe për njëri-tjetrin.
