Mbrëmë, më 11 shkurt, në kishën e Misionit tonë në Luzern u kremtua me shumë përshpirtëri dhe solemnitet Zoja e Lurdit, ndërmjetësuese dhe mbrojtëse e njerëzve që vuajnë nga sëmundje fizike, mendore dhe shpirtërore.
Gjatë kësaj meshe, sakramenti i vajimit iu nda të sëmurëve dhe të gjithë atyre që e dëshiruan; u zhvillua procesioni me truporen e Zojës së Lurdit dhe, pas meshës, Misioni ynë ofroi një apero të pasur për të gjithë të pranishmit.
Don Antoni, në predikimin e tij për këtë rast, theksoi veçanërisht rëndësinë e besimit, duke theksuar se nuk është mrekullia që i paraprin besimit, por besimi që krijon mrekullinë, prandaj, duke ndjekur shembullin e Virgjërës Mari dhe Shën Bernadetës, jemi të ftuar ta kultivojmë dhe ushqejmë besimin tonë nëpërmjet përvojave tona shpirtërore dhe veprave të mira.
Zoja e Lurdit, lutu për ne dhe familjet tona!
